ខ្ញុំបាទ សេង ផល្លី ប្រធានបណ្ឌិត្យសភានគរបាលកម្ពុជា និងភរិយា ព្រមទាំងមន្ដ្រីក្រោមឱវាទទាំងអស់ នៃបណ្ឌិត្យសភានគរបាលកម្ពុជា សូមគោរពជូនពរជ័យ សិរីមង្គល វិបុលសុខ មហាប្រសើរ ជូនចំពោះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ក្នុងឱកាសដ៏មហានក្ខត្តប្ញក្សប្រារព្ធខួបកំណើតគម្រប់៧០ ឈានចូល ៧១ឆ្នាំ។

ក្នុងឱកាសដ៏ប្រពៃថ្លៃថ្លានេះ ខ្ញុំបាទយើងខ្ញុំទាំងអស់គ្នាសូមបួងសួងដល់គុណបុណ្យព្រះរតនត្រ័យកែវទាំងបី និងវត្ថុស័ក្តិសិទ្ធក្នុងលោក សូមប្រោះព្រំប្រសិទ្ធពរជ័យ បវរសួរស្តី សិរីមង្គល វិបុលសុខមហាប្រសើរ ជូនដល់ សម្ដេចក្រឡាហោម និងលោកជំទាវ ព្រមទាំងបុត្រាបុត្រីទាំងអស់ សូមប្រកបតែមហាវិបុលសុខ សុភមង្គល ព្រមទាំងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លៀតឡើយ។