បណ្ឌិត្យសភានគរបាលកម្ពុជា

POLICE ACADEMY OF CAMBODIA

បណ្ឌិត្យសភានគរបាលកម្ពុជា

POLICE ACADEMY OF CAMBODIA

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


ការវាយតម្លៃផ្តល់ការទទួលស្គាល់គុណភាពអប់រំ សម្រាប់បណ្ឌិត្យសភានគរបាលកម្ពុជា

ចំនួនទស្សនា (52)

នៅបណ្ឌិត្យសភានគរបាលកម្ពុជា នាព្រឹកថ្ងៃទី១៩ ខែវិច្ឆិកា គ.ស.២០១៩ ឯកឧត្ដម នាយឧត្ដមសេនីយ៍ សាស្រ្តាចារ្យ បណ្ឌិត សេង ផល្លី ប្រធានបណ្ឌិត្យសភានគរបាលកម្ពុជា បានទទួលបដិសណ្ឋារកិច្ច ក្រុមមន្ត្រីវាយតម្លៃនៃគណៈកម្មាធិការទទួលស្គាល់គុណភាពអប់រំនៃកម្ពុជា ដែលបានចុះវាយតម្លៃគុណភាពអបរំ តាមសំណើរបស់បណ្ឌិត្យសភានគរបាលកម្ពុជា។

ក្នុងពិធីនេះ ឯកឧត្តម ប្រធានបណ្ឌិត្យសភានគរបាលកម្ពុជា បានមានមតិស្វាគមន៍ដោយលើកឡើងថានេះ ជាលើកទី១ និងជាប្រវត្តិសាស្រ្តដែលបណ្ឌិត្យសភា ត្រូវធ្វើការវាយតម្លៃដើម្បីទទួលស្គាល់គុណភាពអប់រំសម្រាប់គ្រឹះស្ថានទាំងមូល ដើម្បីលើកកម្ពស់កិត្យានុភាព និងឧត្តមភាពរបស់ខ្លួនទាំងក្នុងក្របខណ្ឌជាតិ និងអន្តរជាតិ ។
ឯកឧត្តម ប្រធានបានបន្តថា បច្ចុប្បន្ននេះ បណ្ឌិត្យសភានគរបាលកម្ពុជា កំពុងមានវឌ្ឍនភាព និងបន្តខិតខំកំណែទម្រង់លើការងារដឹកនាំគ្រប់គ្រង ការអភិវឌ្ឍសមត្ថភាពគ្រូបង្រៀន ការអភិវឌ្ឍកម្មវិធីអប់រំ ការអភិវឌ្ឍហេដ្ឋារចនាសម្ព័ន្ធនិងសម្ភារៈរូបវន្តគ្រប់ប្រភេទ ស្របតាមផែនការយុទ្ធសាស្ត្ររយៈពេល៥ឆ្នាំ (២០១៥-២០១៩) ផែនការអភិវឌ្ឍធនធានមនុស្សរបស់ក្រសួងមហាផ្ទៃ និងគោលនយោបាយកំណែទម្រង់កងកម្លាំងប្រដាប់អាវុធរបស់រាជរដ្ឋាភិបាលកម្ពុជា ជាពិសេសឆ្លើយតបទៅនឹងស្ដង់ដាជាតិ សម្រាប់ការទទួលស្គាល់គុណភាពអប់រំលើគ្រឹះស្ថានឧត្តមសិក្សា ដើម្បីលើកកម្ពស់កិត្យានុភាព និងឧត្តមភាពរបស់ខ្លួន ដែលអាចប្រៀបធៀបបាននឹងអង្គភាពបណ្ដុះបណ្ដាលកងកម្លាំងនគរបាល នៃប្រទេសនានាក្នុងក្របខណ្ឌអាស៊ាន និងតំបន់ ព្រមទាំងដើម្បីលើកកម្ពស់គុណភាព និងសមត្ថភាពវិជ្ជាជីវៈមន្រ្តីនគរបាលជាតិ និងមន្ត្រីពន្ធនាគារ ស្របតាមតម្រូវការរបស់អង្គភាពប្រើប្រាស់កងកម្លាំង និងលើកកម្ពស់ប្រសិទ្ធភាពការងារក្នុងវិស័យសន្តិសុខ និងសណ្ដាប់ធ្នាប់សាធារណៈ ។

ការចុះវាយតម្លៃផ្ដល់ការទទួលស្គាល់គុណភាពអប់រំនេះ ចាប់ដំណើរការពីថ្ងៃទី១៨-២២ ខែវិច្ឆិកា ឆ្នាំ២០១៩ ដោយផ្អែកតាមស្ដង់ដាជាតិសម្រាប់ការទទួលស្គាល់គុណភាពអប់រំលើគ្រឹះស្ថានឧត្តមសិក្សាចំនួន៩ស្ដង់ដារួមមាន ៖
ស្តង់ដា១៖ ចក្ខុវិស័យ បេសកកម្ម និង គោលដៅ
ស្តង់ដា២៖ អភិបាលកិច្ច និងការគ្រប់គ្រង
ស្តង់ដា៣៖ បុគ្គលិកអប់រំ
ស្តង់ដា៤៖ កម្មវិធីអប់រំ
ស្តង់ដា៥៖ សេវានិស្សិត
ស្តង់ដា៦៖ ធនធានសិក្សា
ស្តង់ដា៧៖ ធនធានរូបវន្ត
ស្តង់ដា៨៖ ធនធានហិរញ្ញវត្ថុ
ស្តង់ដា៩៖ ការធានាគុណភាពផ្ទៃក្នុង
ក្នុងដំណើរការវាយតម្លៃនេះ ក្រុមមន្ត្រីវាយតម្លៃនៃគណៈកម្មាធិការទទួលស្គាល់គុណភាពអប់រំនៃកម្ពុជា បានធ្វើការពិនិត្យឯកសារភស្ដុតាងគាំទ្រសូចនាករនៃស្ដង់ដាជាតិ ការចុះពិនិត្យផ្ទាល់លើហេដ្ឋារចនាសម្ព័ន្ធ ធនធានសិក្សា និងធ្វើការសម្ភាសន៍ជាមួយគណៈគ្រប់គ្រង សាស្ត្រាចារ្យ-គ្រូនគរបាលជាតិ និងនិស្សិតដែលកំពុងសិក្សានៅបណ្ឌិត្យសភានគរបាលកម្ពុជាផងដែរ ។
ការវាយតម្លៃផ្ដល់ការទទួលស្គាល់គុណភាពអប់រំនេះ មានសារៈសំខាន់ណាស់សម្រាប់បណ្ឌិត្យសភានគរបាលកម្ពុជា ក្នុងការរកឱ្យឃើញនូវចំណុចខ្លាំង ចំណុចដែលត្រូវកែលម្អ ដើម្បីធ្វើឱ្យគុណភាពកាន់តែល្អប្រសើរឡើងជាលំដាប់។

អត្តបទ និងរូបភាព៖ ដេប៉ាតឺម៉ង់ធានាគុណភាពអប់រំផ្ទៃក្នុង

PHNOM PENH WEATHER
ចំរៀង ប.ន.ក
album-art

ចំរៀង

By
Release date:
ព័ត៌មានជាប់ទាក់ទង

ភូមិស្តៅកន្លែង ឃុំដីឥដ្ឋ  ស្រុកកៀនស្វាយ  ខេត្តកណ្តាល

(តាមបណ្តោយផ្លូវជាតិ លេខ១ ចំងាយ ២៦ គីឡូម៉ែត្រ ពីរាជធានីភ្នំពេញ)

សាអេឡិច​ត្រូនិច : info@pac.edu.kh

លេខទូរស័ព្ទ : (+855) 24 677 0707

Flag Counter
© 2019

រក្សាសិទ្ធគ្រប់បែបយ៉ាងដោយ រាជបណ្ឌិត្យសភានគរបាលកម្ពុជា

កែប្រែចុងក្រោយ : 2 ថ្ងៃមុន