ដីឥដ្ឋ : ថ្ងៃពុធ ទី៨ ខែកុម្ភៈ ឆ្នាំ២០២៣ សាលាមធ្យមវិជ្ជាជីវៈនគរបាលនៃបណ្ឌិត្យសភានគរបាលកម្ពុជា  បានរៀបចំកម្មវិធីប្រឡងបញ្ចប់វគ្គបំប៉នជំនាញអន្តរាគមន៍និងប្រឆាំងភេរវកម្ម ដែលមានសិក្ខាកាមសរុបចំនួន១៩នាក់ ស្រី១នាក់។  

     តាមកម្មវិធីដែលបានគ្រោងទុក ពេលព្រឹកប្រឡងលើទ្រឹស្តីក្នុងថ្នាក់និងពេលរសៀលអនុវត្តជាក់ស្តែងលើមេរៀនលំហាត់របៀប ដែលមានការអញ្ជេីញចូលរួមជាអធិបតីក្នុងការកាត់កញ្ចប់វិញ្ញាសាដោយ លោកជំទាវ ឧត្តមសេនីយ៍ឯក ថន សុវណ្ណច័ន្ទខេម៉ា អនុប្រធានបណ្ឌិត្យសភានគរបាលកម្ពុជា តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សាស្ត្រាចារ្យ ប្រធានបណ្ឌិត្យសភានគរបាលកម្ពុជានិងជាប្រធានគណៈកម្មការប្រឡង។ 

      កម្មវិធីនេះមានការចូលរួមពីសំណាក់   ឯកឧត្តម  ឧត្តមសេនីយ៍ឯក  ផន  សុភា  គ្រូនគរបាលជាតិ  លោកឧត្តមសេនីយ៍ឯក ភុន សុផល នាយកសាលា តំណាងមន្ទីរចាត់ការ តំណាងដេប៉ាតឺម៉ងធានាគុណភាពអប់រំផ្ទៃក្នុង ព្រមទាំងសមាជិកនៃគណៈកម្មការនិងអនុគណៈកម្មការប្រឡងជាច្រើនរូបទៀត។

អត្ថបទនិងរូបថត : សាលាមធ្យមវិជ្ជាជីវៈនគរបាល