កិច្ចប្រជុំតាមប្រព័ន្ធZoomដើម្បីបូកសរុបលទ្ធផការងារប្រចាំឆមាសទី១និងលើកទិសដៅការងារបន្ដ សម្រាប់ឆមាសទី២ឆ្នាំ២០២១
វិទ្យាស្ថានព័ត៌មានវិទ្យានិងភាសាបរទេស ប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២១
————————————————-
ដីឥដ្ឋ : នៅព្រឹកថ្ងៃចន្ទ ទី១៩ ខែកក្កដា ឆ្នាំ២០២១ វិទ្យាស្ថានព័ត៌មានវិទ្យានិងភាសាបរទេសនៃបណ្ឌិត្យសភានគរបាលកម្ពុជា បានបើកកិច្ចប្រជុំតាមប្រព័ន្ធZoom ដើម្បីបូកសរុបលទ្ធផលការងារប្រចាំឆមាសទី១និងលើកទិសដៅការងារបន្ដសម្រាប់ឆមាសទី២ ឆ្នាំ២០២១ ក្រោមអធិបតីភាព ឯកឧត្តម ឧត្តមសេនីយ៍ឯក សាស្ដា្រចារ្យ ស្វាយ ចាន់ដា អនុប្រធានបណ្ឌិត្យសភានគរបាលកម្ពុជា ដោយមានការអញ្ជើញចូលរួមពីលោកនាយក លោកនាយករង លោកនាយការិយាល័យ ប្រធានដេប៉ាតឺម៉ង់ និងមន្រ្តីចំណុះវិទ្យាស្ថាន។
កិច្ចប្រជុំនេះ ផ្តោតលើរបៀបវារៈ ដូចខាងក្រោម៖
១- ត្រួតពិនិត្យលទ្ធផលបូកសរុបការងារប្រចាំឆមាសទី១និងលើកទិសដៅការងារបន្ដសម្រាប់ឆមាសទី២ ឆ្នាំ២០២១
២- បញ្ហាផ្សេៗ។
ជាកិច្ចចាប់ផ្តើម ឯកឧត្តម ឧត្តមសេនីយ៍ឯក សាស្ដា្រចារ្យ ប្រធានអង្គប្រជុំ បានអនុញ្ញាតឱ្យ
លោកនាយកវិទ្យាស្ថានធ្វើសេចក្ដីរាយការណ៍សង្ខេបអំពីលទ្ធផលនៃការអនុវត្តផែនការសកម្មភាពក្នុងឆមាសទី១និងទិសដៅបន្ត ព្រមទាំងអនុញ្ញាតឱ្យនាយការិយាល័យនិងប្រធានដេប៉ាតឺម៉ង់ ធ្វើសេចក្ដីរាយការណ៍លម្អិតអំពីសកម្មភាពការងារនិងលទ្ធផលនៅក្នុងការិយាល័យ និងដេប៉ាតឺម៉ង់នីមួយៗ ជូនអង្គប្រជុំជ្រាប។
ជាចុងបញ្ចប់ ឯកឧត្តមប្រធានអង្គប្រជុំ បានឯកភាពនិងបានមានប្រសាសន៍ណែនាំមួយចំនួនដូចខាងក្រោម៖
– ស្នើឱ្យការិយាល័យនិងដេប៉ាតឺម៉ង់ទាំងអស់ ត្រូវយកចិត្ដទុកអនុវត្ដការងារតាមកម្មវិធីការងារប្រចាំខែឱ្យស្របតាមផែនការសកម្មភាពរបស់វិទ្យាស្ថាន
– ស្នើឱ្យគ្រប់ការិយាល័យនិងដេប៉ាតឺម៉ង់ បន្តពង្រឹងការអនុវត្តការងារនិងវិន័យរបស់មន្ត្រីខ្លួនឱ្យបានខ្ជាប់ខ្ជួន។
– ស្នើឱ្យគ្រប់ការិយាល័យនិងដេប៉ាតឺម៉ង់ បន្តអនុវត្តគោលការណ៍ប្រឡងប្រណាំងរបស់បណ្ឌិត្យសភានគរបាលកម្ពុជាឱ្យកាន់តែល្អប្រសើរ
– ស្នើឱ្យក២ ពង្រឹងការងារត្រួតពិនិត្យនិងគ្រប់គ្រងសម្ភារៈឧបទេសនិងសោតទស្សន៍ឱ្យបានល្អ
– ស្នើឱ្យថ្នាក់ដឹកនាំនិងមន្ត្រីនៃវិទ្យាស្ថាន បន្តអនុវត្តតាមគោលការណ៍ណែនាំរបស់បណ្ឌិត្យសភានគរបាលកម្ពុជានិងវិធានការបង្ការទប់ស្កាត់ជំងឺកូវីដ-១៩ របស់រាជរដ្ឋាភិបាលនិងក្រសួងសុខាភិបាល។
អត្ថបទនិងរូបភាពពី : វិទ្យាស្ថានព័ត៌មានវិទ្យានិងភាសាបរទេស
![](https://www.pac.edu.kh/wp-content/uploads/2021/07/D019BEC4-43B0-46E5-84A7-EC6EEDF3B0CD-1024x653.jpeg)
![](https://www.pac.edu.kh/wp-content/uploads/2021/07/AE55E4B0-0318-4ECD-9D22-1448A6C7FCAD-1024x576.jpeg)
![](https://www.pac.edu.kh/wp-content/uploads/2021/07/2ECC27C2-CE7F-41A3-924F-D11DAB1DD64E-1024x683.jpeg)
![](https://www.pac.edu.kh/wp-content/uploads/2021/07/9D7254B1-DCAE-47F3-BF6A-EFF573F4D5F7-1024x653.jpeg)
![](https://www.pac.edu.kh/wp-content/uploads/2021/07/D5609560-B0BB-4794-8F03-DC0AF5886CA6-1024x576.jpeg)
![](https://www.pac.edu.kh/wp-content/uploads/2021/07/ECB436D6-280F-4F74-ADD6-A9373252576C-1024x576.jpeg)
![](https://www.pac.edu.kh/wp-content/uploads/2021/07/36976231-3762-4948-9D3E-71DAA5BFDEF8-1024x576.jpeg)