បណ្ឌិត្យសភានគរបាលកម្ពុជា

POLICE ACADEMY OF CAMBODIA

បណ្ឌិត្យសភានគរបាលកម្ពុជា

POLICE ACADEMY OF CAMBODIA

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


សម្តេចតេជោ ហ៊ុន សែន អញ្ជើញប្រគល់សញ្ញាបត្រ និងវិញ្ញាបនបត្រ ដល់និស្សិត និងសិក្ខាកាមនៃបណ្ឌិត្យសភានគរបាលកម្ពុជា ១,៤៦៥នាក់

ចំនួនទស្សនា (54)

នៅព្រឹកថ្ងៃចន្ទ ៥កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៥ ខែសីហា ឆ្នាំ២០១៩នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ ប្រគល់សញ្ញាបត្រវិទ្យាសាស្រ្ដនគរបាល ថ្នាក់បរិញ្ញាបត្រជាន់ខ្ពស់ ថ្នាក់បរិញ្ញាបត្រ និងវិញ្ញាបនបត្រ ជូនដល់និស្សិតនាយនគរបាលបន្តវេន និងសិក្ខាកាមជ័យលាភី ១,៤៦៥នាក់ នៅបណ្ឌិត្យសភានគរបាលកម្ពុជា។

និស្សិត និងសិក្ខាកាមជាមន្ត្រីនគរបាលដែលបានទទួលបានសញ្ញាបត្រ និងវិញ្ញាបនបត្រនៅថ្ងៃនេះ
រួមមាន៖ ថ្នាក់បរិញ្ញាបត្រជាន់ខ្ពស់ ចំនួន ១៨០នាក់ នារី ០៧នាក់, បរិញ្ញាបត្រ ចំនួន ៣១៩នាក់ នារី៤០នាក់, សិក្ខាកាមថ្នាក់វិញ្ញាបនបត្រ ចំនួន ៩៦៦នាក់ នារី៥៥នាក់។

សម្តេចតេជោ ហ៊ុន សែន ​បានកោតសរសើរ និងអបអរសារដល់និស្សិត និងសិក្ខាកាម ជ័យលាភីនគរបាលទាំងអស់ ដែលបានខិតខំប្រឹងប្រែងរៀនសូត្រ និងហ្វឹកហាត់ រហូតទទួលបានជោគជ័យនាពេលនេះ។ ជាមួយគ្នានេះផងដែរ សម្តេចតេជោនាយករដ្ឋមន្ត្រី ក៏បានកោតសរសើរចំពោះថ្នាក់ដឹកនាំនៃបណ្ឌិត្យសភានគរបាលកម្ពុជា ដែលបានខិតខំបណ្តុះបណ្តាលនិស្សិត និងសិក្ខាកាមដែលជាមន្ត្រីនគរបាលរបស់យើង អោយទទួលបាននូវភាពជោគជ័យជាបន្តបន្ទាប់មក។

សម្តេចតេជោនាយករដ្ឋមន្ត្រី បានមានប្រសាសន៍ដោយក្តីមោទនភាព ចំពោះភាពរីកចម្រើននៃវិស័យអប់រំដល់មន្ត្រីនគរបាលជាតិ ដែលបានចូលរួមចំណែកយ៉ាងសំខាន់ ក្នុងកិច្ចការពារសេចក្តីសុខសុវត្តិភាព របស់ប្រពលរដ្ឋ និងប្រទេសជាតិ។ សម្តេចតេជោនាយករដ្ឋមន្ត្រីក៏បានជំរុញឱ្យក្រសួងមហាផ្ទៃ ជាពិសេសបណ្ឌិត្យសភានគរបាលកម្ពុជាត្រូវបន្តខិតខំប្រឹងប្រែងជាបន្តទៀតក្នុងការបណ្តុះបណ្តាល មន្ត្រីនគរបាលលើជំនាញផ្សេងៗ ជាច្រើនទៀត ដែលមិនធ្លាប់បណ្តុះបណ្តាលពីមុនមកនោះ ដើម្បីពង្រឹងសមត្ថភាពអោយកាន់តែខ្លាំងក្លាបន្ថែមទៀត។

​ក្នុងឱកាសនេះផងដែរ សម្តេចតេជោនាយករដ្ឋមន្ត្រី ក៏បានមានប្រសាន៍ទាក់ទងទៅនឹង ការងារសំខាន់ៗ របស់ក្រសួងមហាផ្ទៃ ដែលជាក្រសួងមួយដែលទទួលបន្ទុកលើកិច្ចការងារ ជាច្រើនក្នុងកិច្ចការបំរើនូវសេចក្តីត្រូវការរបស់ប្រជាពលរដ្ឋយើង។

សម្តេចតេជោនាយករដ្ឋមន្ត្រី បានយកឱកាសនេះ អរគុណ និងកោតសរសើរ ចំពោះកងកម្លាំងនគរបាលទាំងអស់ ដែលបានយកចិត្តទុកដាក់ ការពារសុវត្តិភាពដល់បងប្អូនប្រជាពលរដ្ឋ និងប្រទេសជាតិបានយ៉ាងល្អប្រសើរ ហើយសម្តេចតេជោនាយករដ្ឋមន្ត្រី ក៏បានមានប្រសាសន៍អោយនិស្សិត និងសិក្ខាកាមមន្ត្រីនគរបាលដែលទទួលជ័យលាភីនាថ្ងៃនេះ ត្រូវយកចំណេះវិជ្ជាទាំងអស់នេះ ទៅអនុវត្តអោយបានខ្ជាប់ខ្ជួន និងល្អប្រសើរដើម្បីបំរើសេចក្តីសុខរបស់ប្រជាពលរដ្ឋ និងប្រទេសជាតិយើង។

មុននឹងបញ្ចប់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាកច្រកម្ពុជា បានជូនពរដល់និស្សិត និងសិក្ខាកាមជ័យលាភីទាំងអស់ដែលទទួលសញ្ញាបត្រនៅថ្ងៃនេះ សូមទទួលបាននូវភាពជោគជ័យក្នុងការសិក្សា និងការហ្វឹកហ្វឺនការងាររបស់ខ្លួនជាបន្តបន្ទាប់ទៀត។ បន្ទាប់មក សម្ដេចតេជោនាយករដ្ឋមន្ត្រី ក៏បានអញ្ជើញផ្តល់កិត្តិយសប្រគល់សញ្ញាបត្រជូនដល់និស្សិត និងសិក្ខាកាមនៃបណ្ឌិត្យសភានគរបាលកម្ពុជា និងបានថតរូបទុកជាអនុស្សាវរីយ៍ ក្នុងបរិយាកាសរីករាយ និងស្និទស្នាលក្រៃលែង៕

PHNOM PENH WEATHER
ព័ត៌មានជាប់ទាក់ទង

ភូមិស្តៅកន្លែង ឃុំដីឥដ្ឋ  ស្រុកកៀនស្វាយ  ខេត្តកណ្តាល

(តាមបណ្តោយផ្លូវជាតិ លេខ១ ចំងាយ ២៦ គីឡូម៉ែត្រ ពីរាជធានីភ្នំពេញ)

សាអេឡិច​ត្រូនិច : info@pac.edu.kh

លេខទូរស័ព្ទ : (+855) 24 677 0707

© 2019

រក្សាសិទ្ធគ្រប់បែបយ៉ាងដោយ រាជបណ្ឌិត្យសភានគរបាលកម្ពុជា

កែប្រែចុងក្រោយ : 5 ថ្ងៃមុន