បណ្ឌិត្យសភានគរបាលកម្ពុជា

POLICE ACADEMY OF CAMBODIA

បណ្ឌិត្យសភានគរបាលកម្ពុជា

POLICE ACADEMY OF CAMBODIA

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


ឧត្តមសេនីយ៍ឯក សាស្ត្រាចារ្យរង ឈួន សុផេង អនុប្រធានបណ្ឌិត្យសភានគរបាលកម្ពុជា ជួបសំណេះសំណាល និងពិភាក្សាការងារជាមួយតំណាងអង្គការKOICA

ចំនួនទស្សនា (351)

ឆ្លើយតបតាមសំណើរបស់អង្គការ KOICA ប្រចាំកម្ពុជា និងដោយមានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ សេង ផល្លី ប្រធានបណ្ឌិត្យសភានគរបាលកម្ពុជា នាព្រឹកថ្ងៃចន្ទ ទី១ ខែកក្កដា ឆ្នាំ២០១៩ នៅបណ្ឌិត្យសភានគរបាលកម្ពុជា ឯកឧត្តម ឈួន សុផេង បានទទួលជួបសំណេះសំណាល និងពិភាក្សាការងារជាមួយតំណាងអង្គការKOICA ដែលមានលោក លី សាំងម៉ាន់ ជាមន្ត្រីទទួលបន្ទុកកិច្ចការសម្របសម្រួលកម្មវិធីអ្នកស្មគ្រចិត្តនៃអង្គការKOICA ប្រចាំកម្ពុជា។

សមាសភាពដែលចូលរួមក្នុងជំនួបនោះ រួមមាន ៖
១. ឧត្តមសេនីយ៍ឯក សាស្រ្តាចារ្យរង ឈួន សុផេង 
២. ឧត្តមសេនីយ៍ឯក ហាក់ គឹមរ៉ុង ប្រធានមន្ទីរចាត់ការនៃបណ្ឌិត្យសភានគរបាលកម្ពុជា 
៣. ឧត្តមសេនីយ៍ត្រី អ៊ុក ទិត ប្រធានអាសនៈក្បាច់គុន 
៤. វរសេនីយ៍ឯក ធាន ធូណេង នាយការិយាល័យពិធីការនិងទំនាក់ទំនង 
រីឯភាគីអង្គការKOICA ដឹកនាំដោយលោក លី សាំងម៉ាន់។

គោលបំណងនៃជំនួបនេះ គឺដើម្បីសិក្សាអំពីតម្រូវការចាំបាច់របស់បណ្ឌិត្យសភានគរបាលកម្ពុជា ជាពិសេសទាក់ទងនឹងការហ្វឹកហ្វឺនក្បាច់គុនតេក្វាន់ដូ ដល់មន្ត្រីនគរបាលជាតិ ។

បន្ទាប់ពីបានរៀបរាប់ជូនភ្ញៀវអំពីការរីកចម្រើនលើវិស័យមួយចំនួន និងដោយឡែកអំពីកម្មវិធីហ្វឹកហ្វឺនក្បាច់គុនតេក្វាន់ដូ នៅបណ្ឌិត្យសភានគរបាលកម្ពុជា ឯកឧត្តមក៏បានលើកឡើងអំពីការខ្វះខាតមួយចំនួនដែលជាសំណូមពរ ឲ្យភាគីអង្គការជួយរកជំនួយពីសប្បុរសជនមានដូចខាងក្រោម ៖
• ស្នើសុំឲ្យជួយកសាងបណ្ណាល័យមួយ 
• ស្នើសុំឲ្យជួយបណ្តុះបណ្តាលគ្រូក្បាច់គុនតេក្វាន់ដូនិងហាប់គីដូ
• ស្នើសុំសម្ភារបម្រើឱ្យការហ្វឹកហាត់ក្បាច់គុន
• ស្នើសុំខ្សែពួរនិងគ្រឿងក្រវាត់សុវត្ថិភាព សម្រាប់ការហ្វឹកហាត់អន្តរាគមន៍នៅអគារខ្ពស់ ។

បន្ទាប់មក ភាគីKOICA បានស្វាគមន៍ និងបង្ហើបឱ្យដឹងថា ដើម្បីទទួលបានជំនួយនេះ អ្វីដែលត្រូវបន្តគឺ បនក ត្រូវបំពេញទម្រង់បែបបទស្នើសុំជាផ្លូវការ ហើយKOICA នឹងបញ្ជូនសំណើនេះ ទៅកាន់ក្រុមអ្នកស្មគ្រចិត្តកូរ៉េ ដើម្បីពិនិត្យតាមលទ្ធភាពជាក់ស្តែង។ ចំពោះពាក្យស្នើសុំនេះ KOICA នឹងផ្ញើមកតាមរយៈការិយាល័យពិធីការ និងទំនាក់ទំនង ។

PHNOM PENH WEATHER
ចំរៀង ប.ន.ក
album-art

ចំរៀង

By
Release date:
ព័ត៌មានជាប់ទាក់ទង
ថ្ងៃ​សុក្រ, 24 ខែ​មេសា, 2020

ភូមិស្តៅកន្លែង ឃុំដីឥដ្ឋ  ស្រុកកៀនស្វាយ  ខេត្តកណ្តាល

(តាមបណ្តោយផ្លូវជាតិ លេខ១ ចំងាយ ២៦ គីឡូម៉ែត្រ ពីរាជធានីភ្នំពេញ)

សាអេឡិច​ត្រូនិច : info@pac.edu.kh

លេខទូរស័ព្ទ : (+855) 77 778 325

Flag Counter
© 2020

រក្សាសិទ្ធគ្រប់បែបយ៉ាងដោយ រាជបណ្ឌិត្យសភានគរបាលកម្ពុជា

កែប្រែចុងក្រោយ : 5 ម៉ោងមុន