បណ្ឌិត្យសភានគរបាលកម្ពុជា

POLICE ACADEMY OF CAMBODIA

បណ្ឌិត្យសភានគរបាលកម្ពុជា

POLICE ACADEMY OF CAMBODIA

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


កិច្ចប្រជុំបូកសរុបលទ្ឋផលអនុវត្តការងារហ្វឹកហ្វឺននិងបង្ហាត់បង្រៀនប្រចាំខែមិថុនា របស់ក្រុមប្រឹក្សាអភិវឌ្ឍន៍គ្រូនគរបាលជាតិ

ចំនួនទស្សនា (1.1K)

ដីឥដ្ឋ ៖ នៅព្រឹកថ្ងៃអង្គារ ទី២៥ ខែមិថុនា គ.ស.២០១៩ នៅសាលប្រជុំរបស់ក្រុមប្រឹក្សាអភិវឌ្ឍន៍គ្រូនគរបាលជាតិនៃបណ្ឌិត្យសភានគរបាលកម្ពុជា បានបើកកិច្ចប្រជុំបូកសរុបលទ្ធផលការងារប្រចាំខែមិថុនានិងលើកទិសដៅបន្តសម្រាប់ខែកក្កដា គ.ស.២០១៩ របស់ខ្លួនតាមកាលកំណត់ ដើម្បីត្រួតពិនិត្យការអនុវត្តតួនាទី ភារកិច្ចរបស់អាសន:ចំណុះនិមួយៗ លើការងារហ្វឹកហាត់និងបង្ហាត់បង្រៀន ដោយមានការអញ្ជើញជាអធិបតីពីសំណាក់ ឯកឧត្តម ឧត្តមសេនីយ៍ឯក សាស្ត្រាចារ្យ ប្រាក់ ណារ៉ុង អនុប្រធានបណ្ឌិត្យសភានគរបាលកម្ពុជា និងជាប្រធានក្រុមប្រឹក្សាអភិវឌ្ឍន៍គ្រូនគរបាលជាតិ ព្រមទាំងអស់លោកជាអនុប្រធានក្រុមប្រឹក្សាគ្រូ ប្រធានអាសន:ចំណុះ និងមន្រ្តីលេខាធិការដ្ឋាន ជាសាស្រ្តាចារ្យ និងគ្រូនគរបាលជាតិសរុបចំនួន៣១នាក់។

ថ្លែងនៅក្នុងអង្គប្រជុំនោះ ឯកឧត្តម ឧត្តមសេនីយ៍ឯក ប្រធានអង្គប្រជុំ បានឯកភាពលើរបាយការណ៍លទ្ឋផលនៃការអនុវត្តការងាររបស់ក្រុមប្រឹក្សាអភិវឌ្ឍន៍គ្រូនគរបាលជាតិក្នុងខែមិថុនានេះ និងបានណែនាំអង្គប្រជុំ ជាពិសេសអនុប្រធានក្រុមប្រឹក្សាអភិវឌ្ឍន៍គ្រូនគរបាលជាតិនិងប្រធានអាសន:ជំនាញទាំងអស់ត្រូវយកចិត្តទុកដាក់បំពេញភារកិច្ចរបស់ខ្លួនឲ្យបានម៉ឺងម៉ាត់ស្របតាមសេចក្តីកំណត់លេខ០០១ ស្តីពីការកំណត់តួនាទី ភារកិច្ចក្នុងក្រុមប្រឹក្សាអភិវឌ្ឍន៍គ្រូនគរបាលជាតិ សំដៅធានាបាននូវគុណភាពអប់រំ វិន័យ អាកប្បកិរិយាល្អ មានក្រមសីលធម៌វិជ្ជាជីវ: មានសមត្ថភាពគ្រប់គ្រាន់ និងជំនាញច្បាស់លាស់សម្រាប់បម្រើសេវាជូនប្រជាពលរដ្ឋ និងដេម្បីថែរក្សាបានសន្តិសុខសណ្តាប់ធ្នាប់សាធារណៈ។

បន្ថែមពីនេះទៀត ឯកឧត្តម ឧត្តមសេនីយ៍ឯក បានជំរុញឲ្យមានការចុះពិនិត្យនិងធ្វើអធិការកិច្ចសិក្សាលើការបង្ហាត់បង្រៀនរបស់សាស្រ្តាចារ្យ និងគ្រូនគរបាលជាតិដែលកំពុងបង្ហាត់បង្រៀននិងហ្វឹកហ្វឺនដល់សិស្ស និសិ្សត និងសិក្ខាកាមនៃបណ្ឌិត្យសភានគរបាលកម្ពុជា សំដៅពង្រឹងគុណភាព រក្សាបាននូវវិន័យថ្លៃថ្នូរ និងគុណវឌ្ឍរបស់គ្រូនគរបាលជាតិគ្រប់ៗគ្នា។

ជាទីបញ្ចប់ ឯកឧត្តម បានធ្វើការណែនាំ ក្រើនរំឭកដល់សមាជិកអង្គប្រជុំ ត្រូវខិតខំដឹកនាំការងារជំនាញក្នុងអាសន:របស់ខ្លួន ធ្វើការស្រាវជ្រាវ ចងក្រង រៀបចំ និងធ្វើបច្ចុប្បន្នភាពខ្លឹមសារមេរៀនឲ្យទាន់សភាពការណ៍សង្គម បច្ចេកវិទ្យា និងបទល្មើសថ្មីៗដែលកំពុងកើតមាននាពេលបច្ចុប្បន្ននេះ៕

អត្ថបទនិងរូបថត ៖ ក្រុមប្រឹក្សាអភិវឌ្ឍន៍គ្រូនគរបាលជាតិ

Song

ព័ត៌មានជាប់ទាក់ទង

ភូមិស្តៅកន្លែង ឃុំដីឥដ្ឋ  ស្រុកកៀនស្វាយ  ខេត្តកណ្តាល

(តាមបណ្តោយផ្លូវជាតិ លេខ១ ចំងាយ ២៦ គីឡូម៉ែត្រ ពីរាជធានីភ្នំពេញ)

សាអេឡិច​ត្រូនិច : info@pac.edu.kh

លេខទូរស័ព្ទ : (+855) 12 895 690

Flag Counter
© 2024

រក្សាសិទ្ធគ្រប់បែបយ៉ាងដោយ បណ្ឌិត្យសភានគរបាលកម្ពុជា

កែប្រែចុងក្រោយ : 4 សប្ដាហ៍មុន